Në Pallatin e Kongreseve po zhvillohet sot, faza e testimit me shkrim për Patrullë të Përgjithshme.
606 konkurrentë që kanë kaluar me sukses fazat e deritanishme, po zhvillojnë sot testimin me shkrim.
Para nisjes së testimit, Drejtori i Përgjithshëm i Policisë së Shtetit, Ilir Proda falënderoi djemtë dhe vajzat që kanë aplikuar për t’u bërë pjesë e Policisë së Shtetit.
Ndër të tjera, Proda theksoi se “Policia e Shtetit ka përherë nevojë për brezin e ri, për energji, performancë dhe përkushtim, të cilat ndikojnë drejtpërdrejt në rritjen e besimit të qytetarëve te ne”.
Më herët, rreth 887 aplikantë iu janë nënshtruar fazave të testit psikologjik, kontrollit mjekësor, dhe vërtetimit të besueshmërisë. Pas testimit me shkrim, aplikantët do t’i nënshtrohen fazës finale, testimit fizik.
Procesi është menaxhuar në të gjitha fazat e tij, nga Drejtoria e Burimeve Njerëzore, si dhe është minitoruar nga Drejtoria e Standardeve Profesionale në Drejtorinë e Përgjithshme të Policisë së Shtetit dhe nga Agjencia e Mbikëqyrjes Policore./ata
