Gjatë ditës së sotme territori shqiptar mbetet i përfshirë nga masat ajrore të paqëndrueshme, të cilat do të sjellin në të gjithë vendin tonë intervale të gjata me vranësira të shpeshta.
Parashikohet që vranësirat të pësojnë zhvillime të përkohshme në vendin tonë, duke bërë që në Ultësirën Perëndimore të ketë edhe momente me pika shiu. Ndërsa në zonat malore do të ketë reshje dëbore në zonat verilindore dhe juglindore.
Sipas MeteoAlb, temperaturat e ajrit do të rriten në mëngjes, por mbeten konstante në mesditë duke u luhatur nga -1°C deri në 13°C.
Era do të fryjë mesatare në det me shpejtësi 35 km/h nga drejtimi Veriperëndimor duke sjellë në brigjet detare dallgëzim 2 ballë.
