Një 67-vjeçar është gjetur pa shenja jete te Bulevardi i Ri, në Tiranë.
Personi në fjalë, i cili është identifikuar si shtetasi Dh. S., 67 vjeç, u gjet i vdekur pranë biçikletës së tij, në fund të Bulevardit të Ri.
Nga kqyrja parprake e viktimës nuk konstatohen shenja dhune dhe dyshohet se kemi të bëjmë me një vdekje natyrale.
Pritete ekspertiza mjeko-ligjore për të përcaktuar shkaqet e sakta të vdekjes së 67-vjeçarit.
“Më datë 25.04.2023, rreth orës 05:55, në fund të Bulevardit të Ri, është gjetur në rrugë (afër një biçiklete), pa shenja jete, shtetasi Dh. S., 67 vjeç.
Nga këqyrja paraprake nuk janë konstatuar shenja dhune. Dyshohet se vdekja ka ardhur nga shkaqe natyrale.
Grupi hetimor po punon për sqarimin e rrethanave të ngjarjes”, thuhet në njoftimin e policisë.
