Një shqiptar është arrestuar ditën e djeshme në Itali, pasi vidhte shtëpi në mes të ditës, i maskuar si postier.
39-vjeçari, Adnand Kertusha, për të mos u vënë re nga qytetarët apo nga policia, ishte maskuar si postier. Për ta bërë më të besueshme ai kishte një makinë “Peugeot” ku anës shkruhej “Shërbime postare”. Mirëpo lëvizjet e tij të shpeshta, kishin krijuar dyshime të efektivët e policisë.
Mediat e huaja shkruajnë se Kërtusha ka shkuar në Itali si emigrant ilegal. Gjatë kontrollit fizik në makinë, policët gjetën sende të vjedhura, të cilët u konfirmuan nga pronari i një shtëpie. Aktualisht 39-vjeçari ndodhet në paraburgim, teksa pret marrjen e masës së dënimit nga drejtësia italiane.
