Ka përfunduar seanca për kandidatin e koalicionit “Bashkë Fitojmë”, Fredi Beleri.
Mësohet se trupa gjykuese e Gjykatës së Vlorës ka caktuar masën e sigurisë arrest me burg për Belerin, ndërkaq sipas News 24 dosja e këtij të fundit i kalon SPAK.
Beleri ka kërkuar një masë të butë sigurie për shkak të gjendjes shëndetësore, pasi vuan nga diabeti.
Kujtojmë se Beleri u arrestua me urdhër të Prokurorisë së Vlorës për korrupsion aktiv në zgjedhje. Arrestimi i tij erdhi 48 orë para mbajtjes së zgjedhjeve vendore të 14 Majit.
Ai u bë pjesë e debatit politik në mesjavë edhe për shkak të një deklarate që bëri gjatë një interviste për gazetën greke ‘Protothema’, në të cilën ai përmendi një plan për helenizimin e Himarës.
