Prej orës 10 të mëngjesit të sotëm në Pogradec ka nisur shpërndarja e materialeve zgjedhore në 106 Qendrat e Votimit.
Fillimisht puna ka nisur me qendrat e votimit në fshatra dhe pasdite do të punohet me qytetin. Pritet që në orën 19:00 të ketë përfunduar i gjithë procesi. Sipas kryetarit të KZAZ procesi po ecën pa probleme.
Kleonard Krasta kryetar i KZAZ Pogradec ka shtuar se ka mungesë me përfaqësues të komisionerëve nga ana e BF në disa qendra votimi në qytet, por kjo nuk e pengon nesër nisjen e procesit të votimit në QV.