Türkiye dhe Arabia Saudite kanë nënshkruar një sërë marrëveshjesh që përfshijnë investime në industrinë e mbrojtjes, të energjinë dhe të komunikimit.
Marrëveshjet u nënshkruan pas takimeve të delegacionit të udhëhequr nga presidenti turk Recep Tayyip Erdoğan dhe princi i kurorës saudit Mohammed bin Salman në qytetin saudit Xhide.
Presidenti Erdoğan më herët pati një takim me princin e kurorës saudit pas dyerve të mbyllura në Pallatin Mbretëror Al Salam.
Udhëheqësi turk mbërriti të hënën në Arabinë Saudite si pjesë e një turneu triditor të Gjirit për të forcuar lidhjet.
Në pjesën e parë të udhëtimit të tij, ministri i Jashtëm saudit Faisal bin Farhan Al Saud dhe zyrtarë të tjerë pritën Erdoğanin në aeroportin e Xhides.
Presidenti po shoqërohet nga anëtarë të kabinetit të tij dhe zyrtarë të tjerë turq.
Erdoğani i dhuron Togg princit të kurorës saudit
Pas bisedimeve, Erdoğani i dhuroi princit të kurorës saudit një veturë Togg të bardhë Pamukkale.
Dy drejtuesit kontrolluan automjetin në oborrin e pallatit.
Pas përfundimit të vizitës, Erdoğani u kthye në hotelin me Togg, me të cilin udhëtoi Princi i Kurorës bin Salman.
Pas Arabisë Saudite, Erdoğani do të vizitojë përkatësisht Katarin dhe Emiratet e Bashkuara Arabe.