Komisioni Hetimor për Shërbimet Publike të Sterilizimit dhe të Check-up në Shëndetësi, nuk u mblodh ditën e sotme, ndryshe nga sa ishte njoftuar.
Kryetarja e komisionit Hetimor, Albana Vokshi, në një prononcim për mediet tha se shkak u bë mungesa e mazhorancës. Ajo kujtoi edhe kërkesën drejtuar kryetares së Kuvendit Lindita Nikolla për zëvendësimin e anëtarëve të mazhorancës në komision.
“Pritëm kolegët që të vinin, rreth 30 minuta. Janë në kryesinë e Kuvendit, por nuk kanë ardhur. Koncesionet në Shëndetësi i kanë kushtuar 200 milionë euro dëm shtetit. Sot në rendin e ditës kishim kërkuar miratimin e kërkesave për informacion. Është mbledhja e 6 që bojkotohet nga deputetët e PS-së, pa asnjë arsye legjitime”, tha Vokshi.
Vokshi theksoi se mazhoranca ka bërë mbledhje ilegale.